Fiskur og lýsi...

Skilgreining; Að liggja eins og haugar = sófaklessur. Má nota orðatiltækið að haugast... hehe... þetta er bara orð yfir letilíf Gunnar minn.. hehe...

Heimsókn foreldra og systur stendur sem hæst, erum búin að labba allan miðbæinn, í kringum hverfið okkar, verslunarmiðstöðina, ætlum í dýragarðinn á morgun og á planinu er Kaupmannahafnarferð á fimmtudaginn. Vonandi verðum við Helgi ekki bundin í einhverri atvinnubótavinnu! Annars fara þau þá bara ein og skemmta sér og heima sitjum við Helgi með barnið og púslum og grenjum!

Við þáðum leikskólaplássið fyrir Hafdísi. Fórum og skoðuðum aftur í dag, gamli karlinn var hvergi nálægt en í staðin kom Helle, leikskólakennari og sagði okkur allt um leikskólann og hvernig leikskólalífið hér gengur fyrir sig.Þegar hún gaf sig að Hafdísi svaraði hún um hæl; "ég tala ekki dönsku" Við þurfum að nesta hana fyrir allan daginn, það er í boði morgunmatur á leikskólanum ef maður mætir fyrir kl. 8, leikskólinn er opinn frá 06.15 - 16.45, það þurfa að vera föt til að vera úti í hvaða veðri sem er því það er farið út á hverjum degi, nema þegar vindar svaka-svaka mikið. Ég er nú bara sátt við þetta. Hún byrjar á mánudaginn og ég verð með henni fyrstu vikuna svona til að vera stuðningspúði og túlkur hahaha... Auðvitað kom öll stórfjölskyldan með til að skoða og það leist bara öllum vel á

Við erum mjög glöð með heimsóknina, og allt dótið sem þau komu með. Fisk til að borða í vetur, hreindýrakjöt og fleirra gúmmelaði til að hafa í kistunni í kreppunni. Einnig komu þau með lýsi til að taka á móti kólnandi veðri, mexíkóska tómatsúpu, mysing og Hunts tómatsósu!! Auðvitað var litur á augabrúnir mínar með í pakkanum... Erum ekki búin að kaupa stofuborð en Kristín Harpa sendi okkur pening til að gera það, lít á það sem afmælis-/jólagjöf. Takk Kristín

Erum á fullu í atvinnuleitinni og förum á atvinnumiðlun á morgun til að fá hjálp við að leita, ef ekkert dettur í hendurnar á okkur er sá möguleiki að fá einhverja svona atvinnubótavinnu við að sópa lauf af gangstígum og hjólabrautum og þannig. Vonandi fáum við eitthvað sem fyrst.

Þar til næst...

Athugasemdir

[Hertoginn á Bjarti NK (IP-tala skráð) 21.10.2008 kl. 18:15]

Eitthvað er þetta nú skrítin skilgreining á þessu orði Stella mín.Nema þetta sé eitthvað ''nýyrðisslangurorðaleikur'' hjá þér,hehehe....hef bara heyrt ''að liggja út í fjóshaugi'' sem ég reikna með að þú myndir nú ekki fara að taka uppá!!! 

[Anna Kristín Matt (IP-tala skráð) 21.10.2008 kl. 22:31]

Gaman að sjá hvað þú ert dugleg að blogga.. Gaman að fylgjast með ykkur.

Kv úr kuldanum á Íslandi. :)

[Úrsúla Manda , 22.10.2008 kl. 18:01]

Til lukku með plássið, hún verður fljót að ná dönskunni. Gangi ykkur vel í atvinnuleit

[Auður Þorgeirs (IP-tala skráð) 22.10.2008 kl. 20:44]

Hæ Stella.. ég kíkti á síðuna þína og fékk alveg "flassbakk".. stóð í mjög svo svipuðum sporum þegar við vorum úti.  Kannast líka mjög vel við Kirkens

Gangi ykkur vel!

Auður

[Guðrún (IP-tala skráð) 23.10.2008 kl. 17:56]

Gaman að heyra það að skvísan sé komin með pláss og þið séuð sátt við það Nú fer þetta allt að ganga upp og nú lítið bara á björtu hliðarnar, þýðir ekkert annað

Við hlökkum til að koma á laugardaginn og Gísli spurði hvort við værum að fara núna til Hafdísar þegar ég sagði honum að við værum að fara að hitta hana hihi

Vonandi var ferðin til Köben góð og njótið síðustu klukkutímanna með mömmu, pabba og litlu sys.

Knús og kossar