Nammi og jólamatur

Halldóra frænka var að kveðja okkur eftir næturgistingu hér með krakkana. Anders var með julefrukost fyrir vini sína og ekkert gaman fyrir börn að vera í svoleiðis partýi, miklu betra að flýja bara heimilið og við græddum bara á því. Þetta var mjög gaman. Gaman að elda mat fyrir fleiri en 3, að baka og einhver borðar kökurnar á undan mér. Aurelia Rebekka kom reyndar lasin til okkar með 39 stiga hita, svo í nótt byrjuðu bólurnar að spretta á henni. Hún verður s.s. Jólahlaupabóla þetta árið Hafdís liggur svo á sófanum núna með 40 stiga hita... Vonandi verður hún búin að ná sér fyrir jól, en þetta kemur bara ekki á besta tíma þar sem ég er að fara að vinna á morgun og hinn, ætlaði henni bara að þvælast með mér í jólaundirbúningnum. Kannski ég fresti bara jólunum... hahaha!!

Annars skelltum við okkur til Þýskalands í vikunni, þetta er c.a. 1 1/2 tími til Flensborgar, maður keyrir ekki yfir nein landamæri og bara allt í einu er maður komin til Þýskalands, veit það bara af því skiltin eru allt í einu á máli sem maður skilur ekki og hraðinn á hraðbrautinni orðin 120! Versluðum slatta m.a. hamborgarahrygg með beini, sem við höfum bara ekki fundið hér, þannig að jólamaturinn er í höfn. Einnig heilan helling af nammi... við grennumst allavega ekki þessi jólin!

Heimilið er orðið aðeins jólalegra heldur en hjá múslimunum, mamma sendi Siggu með jóladót fyrir okkur Og eitthvað af því er komið upp, eitthvað bíður eftir jólatrénu - sem átti að koma í dag, en það gerist víst ekki Bara á morgun eða hinn, það kemur fyrir jól allavega. Svo voru einhverjar seríur í sendingunni, þær eru reyndar ekki komnar upp en eru á leiðinni í kvöld.

Þar til næst...

Athugasemdir

[Hrund og co (IP-tala skráð) 22.12.2008 kl. 00:20]

Æði að vera með hlaupabólujól, vissi að þú mundir finna þér nýja hefð í nýja landinu...hahaha... Vonum að Hafdísi Huld líði nú samt vel um jólin og þetta gangi bara hratt yfir. Man eftir Matthildi, hún var eins og kolamoli, frekar slæm á meðan Markús tók þessu létt:)

Vona að allt skrautið verði komið upp fyrir kl 18 á aðfangadag og ef ekki þá eru jólin bara í hjartanu;)

Kveðja á liðið, álfar á skeiði...

[Olla á Djúpa.... (IP-tala skráð) 23.12.2008 kl. 11:16]

:) gott að allt er að komast á sinn stað..þið eigið eftir að eiga góð jól þarna í svínalandi.

Jólakveðjur frá okkur sem verðum aldrei þessu vant í heimabænum.

 Olla